roshini ki kiran

andhere mein kat te the din
sunsaan si rehti thi raatein
andar se shor machati
dil ki vo ankahi baatein.

pinjre mein kaid hum
ujaale mein aane ko tarse
aakhir kisi din to
kisi ki mohabbbat hum par bhi barse

zindagi ke saare dukh
humne akele the sahe
kabhi to jaakar saari dastaan
khwahish thi ki kisi se kahe.

achanak baithe baithe
badh gayi dil ki dhadkan
kahin door se aati dikhai di
roshini ki ek kiran

uchalti koodti
jaise nhi zindagi se koi shikayat
ek pavitra leher jaisi
jaise ho koi khoobsorat si aayat.

chehre par thi muskan
maathe par na koi shikar
duniya ki parvaah kie bagaer
ud rahi thi vo befikar.

dilo ko khush karna
roshini failana uski fitrat
dekhte hi dekhte khabar na hui
aur chamakne lagi humari kismat

baaton hi baaton mein
kar baitha us se pyaar
zindagi ki tooti kashti ko
dukhon ke sagar se kia usne paar

bhar diya duniya ko humari
is jahaan ke har rang se
kabhi socha bhi na karte the
humein bhi koi chahega is dhang se

saari pareshaaniya bhulakar
tumhare saath jeena seekh gaya
mere dil ke kore panne par
sada ke lie tumhara hi naam likh gaya

apne har gamko bhulakar
kar di apni zindagi tumhare naam
dua hai ki jeevan bhar
tumhare saath hi kate subah-shaam.